आशिाष विश्वकर्मा
सिरहा, २ फागुन। सिरहाको सुखिपुर नगरपालिका अन्तर्गत १२ वटा विद्यालयका शिक्षकहरुले लामो समयदेखि तलव सुविधा पाएका छैनन्। विद्यालय व्यवस्थापन समिति गठन नभएका २ माध्यमिक र १० आधारभुत विद्यालयका शिक्षकहरुले पछिल्लो ५ महिनादेखि तलव सुविधा नपाएका हुन्।
नगर कार्यायपालिकाले विद्यालय व्यवस्थापन समिति गठन नभएका विद्यालयका शिक्षाको तलव रोक्क गर्ने निर्णयले आफूहरु मर्कामा परेको बाल कल्याण आधारभुत विद्यालय सुखिपुर ७ लंगुर्वा बलहीका प्रधानाध्यापक घुरन सिंहले बताए। उनले नियमित रुपमा तलव आउने बैंकमा पुग्दा खातामा रकम जम्मा नभएपछि नगरपालिकामा सम्पर्क गर्दा कार्यपालिकाको निर्णयका कारण तलव नगको जानकारी पाएको बताए।
उनले भने, ‘काम गरेको तलब पनि अव खान नपाइने अवस्था आयो। यो शिक्षा नियमावलीले कतै परीकल्पना नगरेको काम हाम्रो पालिकाले गरेको छ। यो निम सँगत पनि होइन। यो कार्यले हामी गरिखाने शिक्षकहरुमाथि अन्याय भईरहेको छ।’
जनता आधारभुत विद्यालय, सुखिपुर ४ पोखरीयाका प्रधानाध्यापक रामऔतार यादवले लामो समयदेखि तलव नपाउँदा समस्या खेप्नु परेको बताए। उनले भने, ‘यो पालिकामा नीति नियम केही छैन। मेयर रामऔतार यादवको एकलौटी शासन चल्छ। उहाँलाई जे मनमा फुर्यो त्यहि गर्ने हो। उहाँलाई कुनै कानुनले छुँदैन। काम गरेको पारिश्रमिक रोक्न मिल्छ? उहाँले गर्नै नहुने काम गरेर हामीलाई दुःख दिईरहनु भएको छ।’
समयमा तलव भत्ता नपाउँदा दैनिक गर्जो टार्न समेत मुस्किल परेको जनता माध्यमिक विद्यालय सुखिपुर १० दहिपौडीका प्रधानाध्याक धर्मनाथ महतोले दुखेसो गरे। उनले भने, ‘काम गरेको पारिश्रमिक पाउन पनि अव मुस्किल हुन थाल्यो। समयमा पारिश्रमिक नपाउँदा घर व्यहार चलाउन समेत समस्या भईरहेको छ।’
प्रधानाध्यापक महतोले गमक पोष्टसँग भने, ‘हाकिमसावलाई भन्दा दुई–चार दिनमा जान्छ भन्नु हुन्छ। अझै तलव आउने छाट छैन। सरहरुले पनि पहल गरेर तलव खाने वातावरण मिलाई दिनुपर्यो, हामीलाई दैनिकी चलाउन समस्या भएको छ।’
आधारभुत विद्यालय सुखिपुर ५ नवकाटोल लड्कन्हाका प्रधानअध्यापक हरिप्रसाद यादवले पनि समयमा तलव नआउँदा समस्या भएको बताए। ‘यहि पेशाबा जिविकोपार्जन गर्ने हामी श्रमजीविको तलव रोक्न नहुने हो। यो स्थानीय तहको वेथिती नै देखियो; उनले भने।
प्रमुख प्रशासकीय अधिकृत महेश कुमार ठाकुरले तलव नखुवाउने विषयमा कार्यपालिकाले निर्णय नगरेको बताए। उनले भने, ‘कोषतथा लेखा नियन्त्रण कार्यालयबाट रकम नै अपुग आएकोले अघिल्लो पटक तलव खुवाउन नसकिएको हो। बाँकी विद्यालयमा चाँडै तलव जाँदै छ। कार्यापालिकाले निर्णय गरेर तलव रोेकेको होइन।’
उनले २७ विद्यालयमध्ये १५ वटामा पहिला नै तलव गईसकेकाले बाँकी विद्यालयको तलव पनि चाँडौ जाने बताए।
वडा नम्वर १ का वडाअध्यक्ष राजेन्द्र प्रसाद चौधरीले कार्यापालिका बैठकमा छलफल गरेर व्यवस्थापन समिति नभएका विद्यालयका शिक्षकको तलवभत्ता रोक्का गरेको बताए। उनले भने, ‘यस विषयमा कार्यापालिकामा छलफल भएको हो। त्यसपछि मैले आफ्नो वडा अन्तर्गतको विद्यालयहरुमा व्यवस्थापन समिति गठनको लागि सहजी करण गरें। समितिहरु गठन पनि भएको छ। अलव ख्वाउनुपर्छ।’
उनले थपे, ‘भोली शनिवार नगरपालिकामा भुमि सम्वन्धि छलफल छ। त्यसमा म यो विषय उठाउँछु। अव सहज बनाउनु पर्छ।’
यस विषयमा मेयर रामऔतार यादवसँग प्रतिकृयामाग्दा शुक्रवार कार्यालयमा भेटेर कुरा गरौंला भनेपनि उनले दिएको समयमा कार्यालय पुग्दा उनी कार्यालयमा भेटिएनन्। पछि फोनमा कुरा गर्दा आज कार्यालयमा कोहि हुनुहुन्न, म पनि अनुगमनमा आएको छु भन्दै फोन काटे।’
