लहान, १ फागुन। नेकपा (माओवादी केन्द्र) लहानले ३०औं जनयुद्ध दिवस भव्यताको साथ सम्पन्न गरेको छ। माओवादी पार्टीका सयौँ नेता कार्यकर्ताहरुको उपस्थितिमा लहानको पशुपति माविको फिल्डबाट सुरु भएको ¥याली बजार परिक्रमण गरि सहिदपार्क अगाडी कोण सभामा परिणत भएको थियो।
कोणसभालाई सम्बोधन गर्दै नेताहरुले माओवादी पार्टी जिल्लामा र नगरमा एकताबद्ध रहेको बताएका छन्। त्यस्तै उनीहरुले माओवादी जनयुद्धको परिणामस्वरुप देशमा संघीय लोकतान्त्रीक गणतन्त्र स्थापना भएको स्पष्ट पारेका छन्। साथै उनीहरुले जनयुद्धका उपलब्दीहरु रक्षागर्न सम्पूर्ण माओवादीहरु एक हुनुपर्नेमा जोड दिएका छन्।
र्व शिक्षा राज्यमन्त्री समेत रहनुभएकी माओवादी केन्द्रका केन्द्रीय सदस्य सुनिता सिंहले सभालाई सम्बोधन गर्दै जनयुद्धले देशमा उत्पीडन र विभेदमा परेका वर्ग र समुदायलाई अधिकार दिने काम गरेको बताइन। उनले समावेशीता, गणतन्त्र, धर्म निरपेक्षता, समानुपातिक प्रणाली लगाएतका अग्रगामी परिवर्तन जनयुद्धको परिणाम भएकाले यसलाई सबैले स्वीकार्नुपर्ने जिकिर गरिन।
माओवादी पार्टीले सरकारमा रहदा चलाएको भ्रष्टचार विरोधी अभियान देखि तर्सेर कांग्रेस एमाले मिलेर अहिलेको सरकार गठन भएकाले यो सरकार जनविरोधी भएको नेता सिंहले बताइन। साथै उनले माओवादी पार्टी एकताबद्ध रहेको र आउने निर्वाचनमा सतप्रतिशत परिणाम निकाल्नेगरि लाग्न नेता कार्यकर्तालाई निर्देशन दिइन्। जनयुद्धको उपलब्धी उल्टाउने गरि प्रतिकृयावादीहरुले धावाबोल्ने प्रयास गरिरहेको बताउँदै उनले एकजुट भएर प्रतिकार गर्न आग्रह गरिन।
त्यस्तै लहान नगरपालिका वडा नं २० का वडाअध्यक्ष गणेश चौधरीले जनयुद्धकै कारण सामन्ती राज्यसत्ताले गरेको अन्याय र अत्याचारबाट मुक्त भएको धारण राखे। त्यस्तै उनले माओवादी आन्दोलन कुनै हिंसा नभएर उत्पीडन बिरुद्धको आवाज भएको र त्यो जनताको अधिकार भएको बताए।
त्यसैगरि नेता विजयकुमार गुप्ताले सामन्तीहरुको लागि जनयुद्ध शब्द अप्रिय भएतापनि दलित, जनजाति, मधेशी, मुश्लिम, महिला लगाएत सबै उत्पीडित जनसमुदायका लागि गौरवको विषय भएको बताए। त्यस्तै उनले वर्तमान केपीओली सरकारले दुई तिहाइको धक्कु लगाएर चोर बाटोबाट अध्यादेश ल्याई सरकार चलाउने काम गरेको आरोप लगाए । साथै उनले कमीकमजोरी सुधार गरि लहानमा माओवादी पार्टी एकताबद्ध भएको भन्दै आगामी दिनमा यो एकता कसैले टुटाउन नसक्ने ठोकुवा गरे।
माओवादी केन्द्र लहान नगर अध्यक्ष हेमन्त यादवले पनि माओवादी केन्द्रको एकता मजबुत बनेको भन्दै आगामी दिनमा लहानमा माओवादी पार्टी एक नम्बरको पार्टी हुने बताए। त्यस्तै उनले जनयुद्धले स्थापित गरेको व्यक्तिगत स्वतन्त्रतालाई वर्तमान सरकारले खोस्ने काम गरेको भन्दै त्यसका विरुद्ध एकजुट भएर आन्दोलन गर्ने बताए।
भगवानपुर गाउँपालिका अध्यक्ष रामविलास यादवले गणतन्त्र ल्याउनु भनेको वयलगाढा चढेर अमेरिका पुग्नु हो भन्नेले जनयुद्धको अपमान गर्ने गरेको बताए। त्यस्तै मनोज सदायले दलित भनेर मान्छेको रुपमा नलिने चमार समुदायले सान र सम्मानको जीवन जनयुद्धकै कारण प्राप्त गर्न सफल भएको बताए।
