सिरहा, ११ माघ। सिरहाको गोलबजार नगरपलिका २ नम्वर वडाले जाडोबाट प्रभावित समुदायलाई शुक्रवार न्यानो कपडा वितरण गरेको छ। आफ्नै कार्यालय परिसरमा वडाका ४५० भन्दाबढी जाडोबाट अति प्रभावित समुदायलाई राहत स्वरुप फाईवर सिरक प्रदान गरिएको हो।
दलित जेष्ठ नगारिक, ‘ख’ श्रेणिको अति असक्त अपाङ्ग, पूर्ण अपाङ्ग, विध्वा महिला, जेष्ठ नागरिक, एकल महिलालाई न्यानो कपडा प्रदान गरिएको वडा अध्यक्ष सुकदेव सिंहले जानकारी दिए।
उनले केही प्राविधिक कारणले थोरै ढिलो हुन गएपनि आफ्नो वडाको योजना मै यो कार्यक्रम राखेर आज वितरण गरिको सुनाए।
पछिल्लो केहिदिनदेखि दिनभर जसो कुहिरोसँगै तुसारो झर्ने र हावा चल्दा तराईको जनजीवन प्रभावित बनेको छ। अत्यधिक चिसोको समयमा न्यानो कपडा पाएपछि उनीहरुले खुसी व्यक्त गरेका छन्।
