सिरहा, १० माघ। सिराहा प्रहरीले सीमानाका माडरबाट अवैध लागु पदार्थ ब्राउन सुगरसहित दुई जना युवकलाई नियन्त्रणमा लिएको छ। सिरहा नगरपालिका १७ भन्सार गेट छेउबाट ब्राउन सुगरजस्तो देखिने पदार्थ करिब ५ ग्राम २ सय मिलिग्रामसहित गोलबजार नगरपालिका ७ का २५ वर्षीय हृदय सिंह र सोही नगरपालिका ८ का २२ वर्षीय धर्मेन्द्र यादवलाई बुधबार प्रहरीले पक्राउ गरेको हो।
लागूऔषध नियन्त्रण ब्यूरो शाखा कार्यालय जनकपुर र इलाका प्रहरी कार्यालय माडर सिराहाबाट खटिएको प्रहरीले भारतको जयनगरबाट माडरतर्फ आउँदै गरेको प्रदेश ३–०३–००१ प. ९८३६ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको प्रहरीले जनाएको छ।
यस सम्वन्धमा थप अनुसन्धान भईरहेको प्रहरीको भनाई रहेको छ।
