काठमाडौं, २५ पुस। मछिन्द्र फुटबल क्लबले लगातार दोस्रो जित हासिल गरेको छ। एन्फा यु–१६ युथ लिगमा मछिन्द्रले बिहीबार एफसी खुमलटार विरुद्ध २–० को सहज जित निकालेको हो।
सातदोबाटोस्थित अखिल नेपाल फुटबल संघ (एन्फा) मुख्यालय मैदानमा मछिन्द्रलाई जित दिलाउन हिमाल थिङ र सौगातकुमार बम्जनले एक एक गोल गरेका थिए।
खेलको ८२औं मिनेटमा हिमालको गोलमार्फत मछिन्द्रले अग्रता लिएको थियो भने त्यसको दुई मिनेटपछि नै सौगताले अर्को गोल गर्दै टोलीका लागि दोस्रो जित पक्का गरेका हुन्।
लगातार दोस्रो जितसँगै दुई खेलमा ६ अकं जोडेको मछिन्द्र शीर्षस्थानमा उक्लिएको छ। पराजित खुमलटार भने अंकविहिनको अवस्थामा छ।
