सिरहा, २३ पुस। सिरहा प्रहरीले विभिन्न स्थानबाट फरक–फरक प्रकारका प्रतिवन्धित लागु औषधसहित आज अपरान्ह ६ जनालाई नियन्त्रणमा लिएको छ। जिल्लाको धनगढीमाई नगरपालिका १४ सर्रेखोलबाट प्लाष्टिकको पोकासहित ६० किलो गाँजासहित ४ जनालाई नियन्त्रणमा लिएको हो।
प्रहरीले उदयपुरको कटारी नगरपालिका ८ का २६ वर्षिय मधुलाल थापा, २७ वर्षिय निरबहादुर गुरुङ्ग, २१ व्र्षिय नविन राना मगर र धनगढीमाई १४ गागनटोलका ४४ वर्षिय शेर बहादुर मगरलाई गाँजासहित नियन्त्रणमा लिएको जिल्ला प्रहरी कार्यालय सिरहाका सूचना अधिकारी डीएसपी बीरेन्द्र कुमार पासवानले जानकारी दिए।
विशेष सुराकीको आधारमा इलाका प्रहरी कार्यालय लहानबाट पुगेका प्रहरीले धनगढीमाई नपा १४ सर्रे खोलाबाट दक्षिणतर्फ आउँदै गरेकाउनीहरुलाई शंकालागि चेक जाँच गर्द उनीहरुको साथमा गाँजा फेलापारी नियन्त्रणमा लिएको प्रहरीको भनाई छ।
त्यसैगरी, आजै प्रहरीले लहान ठाडी सडक अन्तर्गत सखुवानन्कारकट्टी गाउँ पालिका ३ परिहारपुर चौकबाट लहान नगरपालिका ३ का २५ वर्षिय श्रवण कुमार गुप्ता र सखुवानन्कारकट्टी ५ महेशवारीचौकबाट लहान ५ बलुवा टोलका २३ वर्षिय रोहित सदायलाई नियन्त्रणमा लिएको छ।
प्रहरीले शंकालागि चेक जाँच गर्दा उनको साथबाट डाइजोपाम, प्रमिथोजाइन हाइड्रोक्लोराइड र बुरुफोफाइन जस्ता प्रतिवन्धित लागुऔषध बरामद गरेको जनाएको छ।
