सिरहा, २१ पुस। सिरहाको बिष्णुपुर गाउँपालिकाकी उपाध्यक्ष गीता कुमारी सिंहले आफ्नै पालिकाको सरकारी गाडी तोडफोड गरेकी छिन्। कार्यालय आउन गाडी बोलाएपनि समयमा लिन नआएको भन्दै उपाध्यक्षे सिंहले पालिको बा. २ झ ३६४३ नम्वरको सरकारी स्कोरपीयो तोडफोड गरेकी हुन्।
उपाध्यक्ष सिंहले पालिकाको सकर्पियोलाई इँटा र ढुङ्गाले हानेर झ्याल र ढाोकाको सिसा फूटाउनुको साथै विभिन्न गाडीको विभिन्न भाग कुच्याएको चालक बाबुनाथ यादवले बताइए।
उपाध्यक्ष सिंहले आफूलाई लिन घरमा गाढी बोलाएको भएपनि नआएको तर, गाढी अध्यक्षेको निवास अगाढी राखेको देखेपछि आक्रोशित भएर गाडीमा ढुङ्गामुडा गरेको बताइन्छ।
अध्यक्ष र उपाध्यक्ष एउटै गाडी चढ्दै आएको छ। अध्यक्षले गाडी कब्जामा राख्ने र उपाध्यक्षले कुनै काममा जान गाढी नदिने, दिए पनि समयमा नदिने गरेकाले आक्रोशित हुँदै आएको एक कार्यपालिका सदस्यले बताए।
आज पनि उपाध्यक्षले गाडी लिन बोलाउँदा पनि आएपछि गाउँ पालिका अध्यक्षकै घरअगाडी रोकीएर राखेको गाडी उपाध्यक्षले तोडफोड गरेको हो।
अध्यक्ष सत्यनारायण यादवले उपाध्यक्षले ९ बजे नै घरमा लिन आउन बोलाएका थिए तर, गाडी समयमा नगएको भन्दै तोडफोडमा उत्रेको बताए। ‘गाडी जान लागेकै थियो तर, उहाँ आएर तोडफोड गर्न थाल्नुभयो; अध्यक्ष तयादवले भने।
गाउँ पालिका अध्यक्ष र प्रमुख प्रशासकीय अधिकृत चारचक्के गाडी चढेपनि उपाध्यक्षलाई भने गाढी सुविधा छैन। कार्यालयको आफ्नै एक थान सरकारी स्कोरपीओ छ। जुन अध्यक्षले प्रयोग गर्छन। प्रशासकीय अधिकृत भने भाडाको गाढीमा चढ्दै आएको छ। उपाध्यक्ष भने आफ्नो निजी मोटरसाइकल चढ्दै आएकी छिन्।
यस विषयमा उपाध्यक्ष सिंहको प्रतिकृया बुझ्न खोज्दा सम्पर्क हुन सकेन।
