सियोल, १४ पुस। दक्षिण कोरियामा भयानक विमान दुर्घटना भएको छ। कोरियाको योनहाप समाचार एजेन्सीका अनुसार १ सष् ८१ यात्रु सवार सो बिमान दुर्घटना हुदाँ कम्तीमा २८ जनाको मृत्यु भएको छ।
उसका अनुसार विमान धावनमार्गबाट बाहिर निस्केको र देशको दक्षिण पश्चिममा रहेको मुआन अन्तर्राष्ट्रिय विमानस्थलको पर्खालमा ठोक्किन पुगेको थियो।
समाचार अनुसार १ सय ७५ यात्रु र ६ जना उडान परिचर बोकेको जेजु एयरको विमान थाइल्याण्डबाट फर्किएको थियो र अवतरण गर्ने क्रममा दुर्घटना भएको बताइएको छ।
योनहापका अनुसार उद्धार अभियान जारी रहँदा एक व्यक्ति जीवितै फेला परेको छ। उद्दार कार्य जारी रहेको जनाउँदै सो समाचार एजेन्सीले थप बिवरण आउन बाँकी रहेको जनाएको छ।
न्यूजकारखाना।
