सिरहा, १० पुस। सिरहाको गोलबजारमा सुविधासम्पन्न पावन मिथिला होटलको आजबाट एक समारोहविच शुभारम्भ भएको छ। गोलबजार मुख्य चौकमा मिथिला सांस्कृतिक संस्कृतिको जगेर्ना गर्ने उद्देश्य सहित स्थापना भएको होटलको आज एक समारोहविच उद्घाटन गरिएको हो।
उद्घाटन समारोहमा गोलबजार नगरपालिकाका मेयर श्याम कुमार श्रेष्ठले होटल व्यवसायकोसफलताको कामना गर्दै यसलाई व्यवस्थित र विश्वनिय वनाउन आग्रह गरे। उनले भने, ‘अन्य व्यवसायीक हिसावले गोलबजार तिव्ररुपमा विकति भएपनि होटल व्यवाय त्यति राम्रो हुन सकेको थिएन। यो होटलले त्यो अवश्यक पुरा गर्ने विश्वास लिएको छु।’
उद्घाटन कार्यक्रममा धनगढीमाई नगरपालिकाका मेयर शिवशंकर महतो, उद्योग वाणिज्य संघ सिरहाका पूर्व अध्यक्ष अशोकलाल आमात्य, गोलबजार उद्योग ब्यापार संघका अध्यक्ष विजयसाहलगायतको उपस्थिति रहेको थियो।
सहभागीहरुले राम्रो योजना सहित स्थानीय संस्कृतिको गजेर्ना हुने र व्यवसाय पनि हुनेगरी होटल सञ्चालन गरेको प्रति सञ्चालक राजकुमार श्रेष्ठलाई धन्यवाद दिए।
होटल सञ्चालक राजकुमार श्रेष्ठले आफूले आफ्नो माटो सुहाउँदो व्यवसायमा हातहालेको बताउँदै संस्कृति पनि वच्ने र व्यसाय पनि हुने बताए।
उनले व्यवसायलाई विश्वसनिय र भरपर्दो बनाउने प्रतिबद्धता समेत जनाए।
