- सुरेश राय
सिरहा, १ पुस। जनता समाजवादी पार्टी, नेपाल (जसपा)का केन्द्रिय अध्यक्ष उपेन्द्र यादबले कांग्रेस र कम्युनिष्ट नामका पाटीबाट अव देश बन्न नसक्ने पक्का भईसकेको बताएका छन्। पार्टीको जिल्ला कार्यसमितीले आयोजनामा गरिएको अभिमुखकरण कार्यक्रममलाई सम्वोधन गर्दै पूर्व उपप्रधानमन्त्री समेत रहेका यादवले ३५ वर्षदेखि राजगर्दै आएका दलहरुबाट अव देश बन्न नसक्ने ठोकुवा गरेका हुन्।
नेपाल कम्युनिष्ट पार्टी र नेपाली कांग्रेसले ३५ वर्षदेखि सरकार चलाउँदै आएका छन् तर देशको अवस्था भने दिन प्रतिदिन कम्जोर हुँदै गएको अध्यक्ष यादवले बताए। ‘देशमा ऋण माथि ऋणको चाङ्ग लागिरहेको छ। उनीहरुकै कारण राजनीतिक अस्थिरता, भ्रस्टार र बेथिती बढीरहेको भन्दै अध्यक्ष यादवले भने, ‘भ्रष्टाचारबाहेक केही गर्न नसक्ने भएकाले अव मक्युनिष्ट र काँग्रेसहरुबाट देश चल्दैन। आम जनताले नयाँ ढङ्गले सोच्नु पर्ने बेला भई सकेको छ।’
अध्यक्ष यादबले ३५ वर्ष भित्र देश बर्वाद भएको भन्दै ती दलहरुले पहिलो नम्बरमा शिक्षा, दोस्रो नम्बरमा कृषि, स्वास्थय र औद्योगीक क्षेत्रलाई तहस नहस पारीसकेकाले अवका दिनमा कम्युनिस्ट र कांग्रेसबाट देशको विकास नहुने ठोकुवा गरे।
अभिमुखिकरण कार्यक्रम सिरहा क्षेत्र नम्बर ३ र ४ का अगुवा कार्यकर्ताहरुको सहभागीता रहेको थियो।
