सप्तरी, ४ मंसिर। सप्तरी प्रहरीले ठूलो परिमाणमा अवैध लागुऔषध गाँजा सहित एक जनालाई नियन्त्रणमा लिएको छ। जिल्लाको राजगढ गाउँपालिका ४ बाट १७ क्विन्टल १७ किलोग्राम गाँज सहित धनकुटा शहिदभुमी गाउँपालिका ३ का ३३ वर्षीय यमजित राईलाई प्रहरीले पक्राउ गरेको हो।
इलाका प्रहरी कार्यालय कल्याणपुरबाट खटिएको प्रहरीले पत्थरगाढाबाट झुटकीतर्फ जाँदै गरेको को. १ ख ६५०३ नम्बरको टिपरलाई जाँच गर्ने क्रममा टिपरमा लुकाई छिपाई राखिएको ५६ वटा बोरामा गाँजा फेला परेको जिल्ला प्रहरी कार्यालय सप्तरीका प्रमुख एसपी ढकेन्द्र खतिवडाले जानकारी दिए।
बालुवा र गिट्टीले छोपेर भारत तर्फ लान लागेको अवस्थामा प्रहरीले शंकाको आधारमा चेक जाँच गर्दा गाँजा फेला परेको जनाएको छ। टिफर पनि प्रहरीको नियन्त्रणमा रहेको छ।
गाँजासँगै चालक पक्राउ परेपनि मुख्य कारोवारीभने उनी नरहेको स्थानीयको भनाई छ। पछिल्ला दिनहरुमा सप्तरीमा गाँजा तस्करी फस्टाएको स्थानी बताउँछन्।
यस सम्बन्धमा प्रहरीले आवश्यक अनुसन्धान गरिरहेको जनाएको छ।
