फाईल फोटो।
रौतहट, १९ कात्तिक। सशस्त्र प्रहरीको गस्ती टोलीले पेस्तोल र गोलीसहित एक जना भारतीय नागरिक लाई रौतहटबाट पक्राउ गरेको छ। विशेष सूचनाको आधारमा सशस्त्र प्रहरी बल बीओपी बेलाबिछवाबाट खटिएको गस्ती टोलीले राजदेवी नगरपालिका ९ ब्रहमपुरीबाट सञ्जीव सिंहले सञ्चालन गरेको पसलमा चेकजाँच गर्दा अवैध पेस्तोल सहित गोली बरामद भएको हो।
सशस्त्र प्रहरी रौतहटका प्रमुख एसपी विक्रम हुमागाईंले गस्ती टोलीले पसलमा रहेको शौचालय माथि एक थान नलकटुवा पेस्तोल, ८ एम एम को ३ थान गोली र १ थान खोका बरामद गरेको जानकारी दिए। हतियारसहित भारतीय नागरिक ४२ वर्षीय राजेश सिंह पक्राउ परेको एसपी हुमागाईंले जानकारी दिए।
आवश्यक कार्वाहीको लागि बरामद पेस्तोल गोली सहित आरोपी सिंहलाई जिल्ला प्रहरी कार्यालय रौतहटमा बुझाउन लागिएको छ।
