सिरहा, १३ कात्तिक। सिरहामा मंगलबार अपरान्ह मोटरसाइकल दुर्घटनामा परी एक युवको ज्यान गएको छ। चोहर्वा सिरहा सडक अन्तर्गत सिरहा नगरपालिका ११ भलुवाहीमा आफैले चलाएको प्र.०१–०२ –अ ०१ प ०४३४ मोटरसाइकल कलभर्टमा ठोकिएर दुर्घटनाहुँदा कर्जन्हा नगरपालिका ५ बडहराका २० वर्षिय रुपेश मुखियाको ज्यान गएको हो।
दुर्घटनामा गम्भिर घाईते मुखियालाई प्रादेशिक अस्पताल सिरहामा पुर्याएर जाँचगर्दा चिकित्सकले मृत घोषणा गरेको जिल्ला प्रहरी कार्यालय सिरहाका सूचना अधिकारी डीएसपी बीरेन्द्र पासवानले जानकारी दिए। शव प्रादेशि अस्पतालमै रहेको छ।
दुर्घटनामा मोटरसाकल पछाडी सवार विष्णुपुर गाउँपालिका १ हरिनगराका ३२ वर्षिय प्रदिप कुमार पासवान घाइते भएका छन्। उनको दुवै खुट्टामा गम्भिर चोट लागेको छ। प्रादेशिक अस्पताल सिरहामा प्राथमिक उपचार पछि थप उपचारको लागि विराटनगर रेफर गरिएको छ।
प्रहरीले घटनाबारे थप अनुसन्धान गरिरहेको जनाएको छ।
