रामनारायण ठाकुर
मिर्चैया, १९ असोज। सिरहाको मिर्चैयामा शनिबार सम्पन्न रक्तदान कार्यक्रम १ सय १६ जनाले रक्तदान गरेका छन्। महावीर युवा कमिटी र न्यू शिव शक्ति मेडिकलहल मिर्चैयाद्वारा आयोजित रक्तदान कार्यक्रममा महिला पुरुषगरी १ सय १६ जनाले रक्तदान गरेका हुन्।
हिन्दु नेपालीहरुको महान पर्व बडा दशैं, शुभ दीपावली तथा छठ पर्वको अवसर पारेर ‘क्तदान नै जीवन दान हो’भन्ने नाराकासाथ नेपाल रेडक्रस सोसाइटी लाहानको प्राविधिक सहयोगमा सक्त दान कार्यक्रम भएको हो।
सिरहाको मिर्चेया लगायत बिभिन्न अस्पतालहरुमा रगतको अभाव रहेको कुरालाई मध्यनजर गर्दै रक्तदान कार्यक्रमको आयोजना गरिएको आयोजक न्यू शिव शक्ति मेडिकल हलका सञ्चालक राजाराम सहले जानकारी दिए।
भर्खरै भएको वर्षाबाट प्रभावित बिरामीहरुलाई रगतको आबश्यक्ता परेको खण्डमा सहज उपलब्ध गरिदिन गराईदिन अर्का आयोजक महावीर यूवा कमिटीका अध्यक्ष बजरंग साहले रेड क्रससँग अनुरोध गरे। उनले भने, ‘भर्खरै भएका वर्षाबाट विभिन्न प्रकारले धेरै मानिस प्रभावित भएका छन्। उहाँहरुलाई रक्त आवश्यक परे सहज ढङ्गले उपलब्ध गराईदिन म अनुरोध गर्छु।’
उनले आफूहरुले रगत अभावका हुने पीडालाई बुझेरै मिर्चैयामा सक्रिय रहेका बिभिन्न संघ–संस्थाहरुसंग सहकार्य गरि रक्तदान कार्यक्रमको आयेजना गरिरहकोे बताए।
