सिरहा, १ असोज। सिरहा प्रहरीले स्रोत नखुलेको १४ लाखभन्दा बढी रकमसहित तीनजनालाई नियन्त्रणमा लिएको छ। लहान भगवानपुर सडकखण्डको सखुवानन्कारकट्टी ५ बाट १४ लाख १९ हजार आठ सय ९० रुपैयाँ सहित उनीहरुलाई पक्राउ गरेको हो।
हुण्डी कारोवारीहरु स ९ प ११६२ नम्वरको मोटरसाइकलमा भगवानपुर चोकबाट उत्तरतर्फ आईरहेको छ भन्ने विशेष सूचनाको आधारमा इलाका प्रहरी कार्यालयबाट खटीएको टोलिले सप्तरीको राजविराज १० का ५७ वर्षिय मजित मियाँ आठ लाख १४ हजार आठ सय ९० नेपाली र चार सय नेपाली, सोही ठाउँ बस्ने २८ वर्षिय मोहमद अलाउदिनको साथबाट दुई लाख चार हजार पाँच सय र २३ वर्षिय अजय चौधरीको साथबाट चार लाख पाँच सय रुपैयाँ बरामद गरेको जिल्ला प्रहरी कार्यालय सिरहाका सूचना अधिकारी मुक्तिनाथ साँपकोटाले जानकारी दिए।
यस सम्वन्धमा थप अनुसन्धान भईरहेको प्रहरीले जनाएको छ।
