सिरहा, ३१ साउन। सिन्धुलीमा भएको जीप दुर्घटनामा तीन जनाको मृत्यु भएको छ। दुर्घटनामा परी ११ जना घाइते भएका छन् ।
बीपी राजमार्गको सिन्धुलीमाडी खुर्कोट अन्तर्गत कमलामाइ नगरपालिका २ चियाबारी नजिकै बा २० च ८२८३ नम्बरको जीप दुर्घटना हुँदा गोलन्जोर गाउँपालिका ६ का पृथ्वी भुजेल, उदयबहादुर मस्राङ्गगी र पवन मस्राङ्गगीको मृत्यु भएको हो।
गोलन्जोर गाउँपालिकाको ६ को हैबार नाकाझोलीबाट सदरमुकाम सिन्धुली तरकारी तथा खाद्यान ओसार पसार गर्ने गाडी दुर्घटनामा परेको हो।
घाइते ११ जनामध्ये चार जनाको अवस्था गम्भीर रहेकाले थप उपचारको लागि काभ्रेको धुलिखेल अस्पताल पठाइएको जिल्ला प्रहरी कार्यालय सिन्धुलीले जनाएको छ। घटनाबारे थप अनुसन्धान भईरहेको छ।
