जनकपुरधाम, ३० साउन। धनुषा प्रहरीले एक सय ग्राम प्रतिवन्धित लागु पदार्थ ब्राउन सुगरसहित सिरहाका एक युवकलाई पक्राउ गरेको छ। जनकपुरधाम उपमहानगरपालिका १ स्थित रेल्वे स्टेशनको मुलगेट नजिकबाट अवैध लागू पदार्थ ब्राउनसुगर एक सय ग्रामसहित पैदलयात्री सिराहाको सिरहा नगरपालिका १३ गमहरिया का ३३ वर्षीय अभासकर यादवलाई मंगलबार दिउँसो प्रहरीले पक्राउ गरेको हो।
जिल्ला प्रहरी कार्यालय धनुषा र लागू औषध नियन्त्रण ब्यूरो गोलबजार सिराहाबाट खटिएको प्रहरीले उनलाई उक्त पदार्थ सहित पक्राउ गरेको जिल्ला प्रहरी कार्यालय धनुषाका सूचनाअधिकारी रञ्जन अवाले जनाए।
प्रहरीले लागु औषध मुद्दामा अनुसन्धान गरिरहेको जनाएको छ।
