रौतहट, २६ साउन। रौतहटमा छतमा खेल्ने क्रममा करेन्ट लागेर एक बालकको मृत्यु भएको छ। ईशनाथ नगरपालिका ४ मठिया टोल बस्ने महमद साहबानको छोरा ६ वर्षीय महमद सुलतानको करेन्ट लागेर शुक्रबार मृत्यु भएको हो।
आफ्नै घरको छतमा खेल्ने क्रममा विद्युतीय तारमा छुन पुग्दा करेन्ट लागेर गम्भीर घाइते भएका बालकको प्रादेशिक अस्पताल गौरमा उपचारको क्रममा मृत्यु भएको प्रहरीले जानकारी दिएको छ।
घटना सम्बन्धमा प्रहरीले आवश्यक अनुसन्धान गरिरहेको जनाएको छ।
