फाईल फोटो।
बर्दिवास, २२ साउन। महोत्तरी प्रहरीले ६ क्विन्टल गाँजासहित दुई भारतीय युवकलाई नियन्त्रणमा लिएको छ। बर्दिबास नगरपालिका १४ मुख्य सडकबाट करिब ६ क्विन्टल गाँजासहित मंगलबार बिहान भारत मोतिहारी ग्राम पंचायत कुरियाका २५ वर्षीय गुडडु कुमार यादव र मधुरापुरका २९ वर्षीय मनिष कुमार गिरीलाई पक्राउ गरेको हो।
बाग्मती प्रदेश ०३–००१ ख २८३२ नम्बरको मिनि ट्रकमा गाँजा ल्याउँदै गरेको भन्ने सूचनाको आधारमा अस्थायी प्रहरी पोष्ट माईस्थानबाट खटिएको प्रहरीले उक्त ट्रकलाई चेक जाँच गर्न खोज्दा नरोकी फरार भएका थिए। फरार भएलगदै इलाका प्रहरी कार्यालय बर्दिवासबाट खटिएको प्रहरीले यामाहा स्वरूमको अगाडि उक्त फरार मिनिट्रकबाट वीआर २० जी ७०४३ नम्बरको ट्रकमा सामान सार्न लागेको अवस्थामा फेला पारेका थिए।
मिनि ट्रकको चालकभने फरार भएको छ। प्रहरीले उनको खोजी गरिरहेको छ। प्रहरीले घटनाकाबारे थप अनुसन्धान गरिरहेको जनाएको छ।
