सिरहा, १४ साउन। सिरहा प्रहरीले ठूलो परीमाणमा प्रतिवन्धित लागुपदार्थ ब्राउन सुगरसहित दुई युवकलाई नियन्त्रणमा लिएको छ। जिल्लाको बरियारपट्टी गाउँपालिका ३ हुलाकी सडकबाट ब्राउनसुगर जस्तो देखिने एक सय तीन ग्राम पदार्थसहित गोलबजार नगरपालिका ६ का २४ वर्षीय विनय सिंह र भारत घर भएका ३४ वर्षीय रोशन कुमार यादवलाई आइतबार साँझ प्रहरीले पक्राउ गरेको हो।
लागूऔषध नियन्त्रण ब्यूरो शाखा धनुषा र इलाका प्रहरी कार्यालय बरियारपट्टीबाट खटिएको प्रहरीले मधेश प्रदेश ०१– ००४ प ९९८९ नम्बरको मोटरसाइकलमा सवार उनीहरूलाई उक्त पदार्थसहित पक्राउ गरेको जिल्ला प्रहरी कार्यालय सिरहाका इन्सपेक्टर दिपक कुमार सिंहले जानकारी दिए।
पक्राउ परेका उनलाई जिल्ला अदालतबाट म्याद थप गरी थप अनुसन्धान गरिरहेको प्रहरीको भनाई छ।
