लहान, ६ असार। सिरहा प्रहरीले जिल्लाको फरक परक स्थानबाट प्रतिवन्धित लागु पदार्थ ब्राउनसुगरसहित दुई जनालाई पक्राउ गरेको छ। प्रहरीले लहान नगरपालिका ८ का एक किशोरलाई भगवानपुर ४ बाट र मिर्चैया नगरपालिका ९ सुन्दरपुरका २५ वर्षीय सुन्दर कुमार महतोलाई बुधबार राति प्रतिवन्धित लागु पदार्थ ब्राउन सुगरसहित पक्राउ गरेको हो।
लहान ८ का किशोरलाई भगवानपुर गाउँपालिका ४ ठाडी बसपार्कबाट ५० ग्राम ब्राउनसुगरसहित नियन्त्रणमा लिएको प्रहरीले जानकारी दिए। प्रहरी चौकी ठाडीबाट खटिएको प्रहरीले भारतबाट नेपालतर्फ पैदल आउँदै गरेका उनलाई शंका लागि चेकजाँच गर्दा साथमा ब्राउन सुगर फेला परेको हो।
यसैगरी, मिर्चैया नगरपालिका ६ मटिअर्वाबाट १० मिलिग्राम ब्राउन सुगरसहित महतोलाई पक्राउ गरेको हो। इलाका प्रहरी कार्यालय मिर्चैयाबाट खटिएको प्रहरीले कमलदहबाट मटिअर्वातर्फ आउँदै गरेको मधेश प्रदेश–०२–००७ प ८८७८ नम्बरको मोटरसाइकलको बाँया साईडको इन्डिकेटरमा प्लाष्टिकमा बेरी राखिएको अवस्थामा फोला पारेको थियोर
यस सम्बन्धमा प्रहरीले आवश्यक अनुसन्धान गरिरहेको छ।
उता उनको अफन्तलेभने सुन्दरलाई केही व्यक्तिहरुको इशारामा फसाउन खोजेको आरोप लगाएको छ।
