बीरगञ्ज, १ असार। बारामा अज्ञात समूहको गोली प्रहरबाट गम्भीर घाइते राजाराम मोहन बिक्रम बहुमुखी क्याम्पस कलैयाका प्रमुख हरिभुषणप्रसाद कुशवाहाको उपचारको क्रममा मृत्यु भएको छ। शुक्रबार साझ आदर्श कोतवाल गाउँपालिका ३ बातरा टोल हुँदै मोटरसाइकलमा कलैया आउने क्रममा अज्ञात समूहको गोली प्रहारबाट गम्भीर घाइते कुशवाहाको बिरगंजस्थित नेपाल मेडिसिटी अस्पतालमा उपचारको क्रममा राती नै मृत्यु भएको हो।
पिठ्यूमा गोली लागी गम्भीर घाइते क्याम्पस प्रमुख कुशवाहलाई उपचारको लागि तत्काल अस्पताल पुर्याएपनि उपचारकै क्रममा मृत्यु भएको बारा प्रहरी प्रमुख एसपी महेन्द्र खड्काले जानकारी दिए।
घटनापछि सुरक्षाको व्यवस्था कडा पारिएको तथा अपराधी भाग्न नदिन सीमामा प्रहरी परिचालन गरिएको र शंका लागेर एक जनालाइ पक्राउ गरिएको प्रहरीले पक्राउ गरेको छ। उनको परिचयभने खुलाएको छैन।
