बर्दिवास, २८ जेठ। महोत्तरीमा एक युवकमाथि गोली प्रहार गरी सुनको सिक्री र ब्रासलेट लुटेको छ। महोत्तरीको गौशाला नगरपालिका ११ भरतपुरका ३० वर्षीय मुरारी नामले परिचित विनय कुमार महतोमाथि मरहा खोलामा आज साँझ ६ बजे गोली प्रहार गरी सुनको सिक्री र ब्रासलेट लुटपाट गरेको हो।
गौशाला बजार जाँदै गर्दा मरहा खोला पुगेकाबेला मोटरसाइकलमा आएका दुईजना हतियारधारीको समूहले गोली प्रहार गरी लुटपाट गरेको
जिल्ला प्रहरी कार्यालय महोत्तरीका सूचना अधिकारी डीएसपी सन्तुलाल जयसवालले जानकारी दिए।
डीएसपी जयसवालका अनुसार कम्मरमा गोली लागेर घाइते भएका महतोलाई उपचारको लागि जनकपुर पुर्याएको छ।
घटनास्थलमा दुईवटा गोली फेला परेको छ। दुई वटा भने फायर भएको पाइएको छ। घटनाबारे थप अनुसन्धान गर्दै गोली प्रहर गर्नेको प्रहरीले खोजी गरिरहेको जनाएको छ।
