काठमाडौं, २७ जेठ। काठमाडौं प्रहरीले नक्कली नोटसहित दुई जना पक्राउ परेका छन्। नक्कली नोटको कारोबार गरेको आरोपमा जिल्ला प्रहरी परिसर काठमाडौंले कलंकीबाट चिया पसल संचालक ४७ वर्षीया तारादेवी डंगोल र नागर्जुन नगरपालिका ५ का ४१ वर्षीया निलिमा श्रेष्ठलाई पक्राउ गरेको हो।
नक्कली नोटको कारोबार भइरहेको भन्ने सूचना प्रहरीले पाएको सूचनाको आधारमा प्रहरीले तारादेवीलाई पक्राउ गरेको जनाएको छ। उनीबाट नेपाली एक हजार दरको ५ सय १४ थान (५ लाख १४ हजार) नक्कली नोटसहित शनिबार राति बरामत गरेको जनाएको छ।
तारालाई नियन्त्रणमा लिएर अनुसन्धान गर्दा निलिमा श्रेष्ठको संलग्नता देखिएको थियो। उनलाई नागर्जुन ५ पद्मा कोलनीबाट पक्राउ गरी अनुसन्धान अघि बढाएको प्रहरीले जनाएको छ।
परिसरले यसबारे थप अनुसन्धान गरिरहेको जानकारी दिए।
