काठमाडौं, १८ जेठ। भारतमा लोकसभा चुनावको सातौं र अन्तिम चरणको मतदान जुन १ मा हुँदैछ। यस चरणको मतदानको प्रचार अवधि सकिएपछि प्रधानमन्त्री नरेन्द्र मोदी कन्याकुमारी पुगेर ध्यानमा बसेका छन्।
अब उनी ४५ घण्टा अर्थात् जुन १ गते साँझसम्म समुन्द्रमा बनेको विवेकानन्द रक मेमोरियलमा ध्यान गर्ने छन्। आज उनको ध्यानको दोस्रो दिन हो। मोदीको ध्यानका धेरै तस्विरहरु बाहिर आएका छन्। तस्विरमा प्रधानमन्त्री मोदी केसरन कुर्ता र गमछमा देखिएका छन्। उनी स्वामी विवेकानन्दको मूर्तिको अगाडि बसेर ध्यान गरिरहेका छन्। उनको हातमा माला रहेको छ।
यस ध्यान मण्डपमको विशेष कुरा यो छ कि यो त्यही ठाउँ हो जहाँ स्वामी विवेकानन्दले देशको भ्रमण गरेपछि तीन दिनसम्म ध्यान गरेका थिए। यहीँ उनले विकसित भारतको सपना देखेका थिए। यस स्थानमा देवी पार्वतीले एक खुट्टामा उभिएर ध्यान गरेको लोक कथन रहेको छ।
प्रधानमन्त्री मोदी बिहीबार कन्याकुमारी पुगेका थिए। प्रधानमन्त्री दक्षिण भारतको परम्परागत पहिरनमा धोती लगाएर देखिएका थिए। उनले अफ्नो सेतो रंगको सल लगाएका थिए। कन्याकुमारी पुगेर भगवती अम्मान मन्दिरमा पूजापाठ गरेका थिए।
प्रधानमन्त्री मोदीको यो आध्यात्मिक बसाइलाई लिएर कन्याकुमारीमा कडा सुरक्षा व्यवस्था गरिएको छ। सुरक्षाका लागि दुई हजारभन्दा बढी प्रहरी परिचालन गरिएको छ। विवेकानन्द रक मेमोरियलमा प्रधानमन्त्री मोदी बस्दासम्म कुनै पनि आम पर्यटकलाई त्यहाँ जान नदिने बताइएको छ। मोदीको सुरक्षाका लागि एनएसजी कमाण्डो तैनाथ गरिएको खबर पनि छ।
कन्याकुमारी भारतका लागि धेरै हिसाबले विशेष छ। जहाँ भारतको पूर्वी र पश्चिमी तटरेखाहरू मिल्छन्। कन्याकुमारीमा अरब सागर, हिन्द महासागर र बंगालको खाडी मिल्छ।
आम चुनावको अभियान समाप्त भएपछि, मोदी हरेक पटक आध्यात्मिक यात्रामा जान्छन् र २०१९ को चुनाव प्रचार पछि, उनी केदारनाथ गए र वर्ष २०१४ मा उनी शिवाजी महाराजसँग सम्बन्धित प्रतापगढ गएका थिए।
न्यूज कारखाना।
