काठमाडौं, १८ बैशाख। इलाम २ बाट नेकपा एमालेका उम्मेदवार सुहाङ नेम्वाङ फराकिलो मतान्तरसहित विजयी भएका छन्। सुहाङले २७ हजार सात सय ७२ मत प्राप्त गर्दै विजयी भएका हुन्।
उनका निकटतम प्रतिश्पर्धी नेपाली कांग्रेसका डम्बर खड्का २१ हजार नौ सय ४२ मत प्राप्त गरेका छन्।
त्यसैगरी पहिचान पक्षका स्वतन्त्र उम्मेदवार डेकेन्द्र थेगिमले ११ हजार चार सय ५७ मत प्राप्त गरेका छन् भने रास्वपा मिलन लिम्बुले पाँच हजार ५० मत प्राप्त गरेका छन्।
कुल एक लाख १५ हजार आठ सय ८९ मतदाता रहेको इलाम २ मा ६९ हजार दुई सय ८७ मत खसेको थियो, जसमा ६८ हजार हजार ७२ मत सदर भएको आयोगले जनाएको छ।
