सिरहा, २० चैत। सातौं गोलबाजर मेयर गोल्डकप २०८० को फाइनलमा गुरुधाम फूट बल क्लव, सिरहा र चात्या सा फूटबल क्लव, झापा बीच भिडन्त हुने भएको छ।
गुरुधाम फुटबल कल्व, सिरहा र मुनाल फुटवल कल्व, बिराटनगर बिच मंगलबार भएको सेमी फाईनल खेलमा १ को विरुछ ५ गोल गर्दै गुरुधाम फाईन प्रवेश गरेको हो।
गुरुधाम फुटबल कल्वका तर्फबाट जर्सी नम्वर १५ का खेलाडी यनीले २, ७ नम्वर जर्सीका खेलाडी फोडे फूफानोले २ गोल गरेका थिए भने, जर्सी नम्वर १७ का खेलाडी अनिल खड्का १ गोल गरेको फूटवल संघका जिल्ला सदस्य दिनेश श्रेष्ठले जानकारी दिए।
आजको खेलको म्यान अफ द म्याच उत्कृष्ट खेल प्रदर्शन गरेको भन्दै कुलदिप कार्की घोषित भएका छन्। उनलाई वडा नम्वर २ का वडा अध्यक्ष सुकदेव सिंहले नगद सहित प्रशंसापत्र प्रदान गरे।
मुनाल फुटबल कल्ब, बिराटनगरका तर्फबाट भने जर्सी नम्वर १० का खेलाडी भुवन बस्नेतले मात्र १ गोल गरे।
भोलि बुधबारको भने एक दिवसिय मैत्रीपूर्ण महिला फूटवल प्रतियोगिता हुने भएको आयोजकले जनाएको छ। एक दिवसिय मैत्रीपूर्ण महिला फूटवल प्रतियोगितामा रौतहट महिला फुटबल कल्व र सर्लाही फुटबल कल्व एकेडेमी, बीच हुने छ।
प्रतियोगितामा प्रथम हुने टिमले तीन लाख ५१ हजार र दोस्रो हुने टिमले दुई लाख एक हजार नगदसहित ट्रफि प्राप्त गर्ने छन्।
प्रतियोगिताको फाईनल खेल २२ गते हुने आयोजकले जनाएको छ।
