गोलबजार मेयर गोल्डकपः गुरुधाम फूटबल क्लव सेमिफाईलन प्रवेश

सिरहा, १८ चैत। गुरुधाम फूटबल क्लव, गोलबजार २ सिरहा सातौं गोलबजार मेयर गोल्डकप आन्तर्राष्ट्रिय फूटवल प्रतियोगिताको सेमी फाईनल प्रवेश गरेको छ। भरत युपी बाराणसीका माँ कामाख्या स्पोर्टस क्लवलाई सून्यको विरुद्ध ८ गोलले पराजित गर्दै गुरुधाम सेमि फाईनल प्रवेश गरेको हो।

गुरुधाम क्लवका लागि सर्वाधिक गोल जार्सी नम्वर १५ का यनीले ५ गोल गरेका थिए। गुरुधामकै अर्का खेलाडी जर्सी नम्वर ७ का फोडे फूफानोले ३ गतेल गरेको आयोजकले जनाएको छ।

आजको खेलमा गुरुधामको तर्फबाट सर्वाधिक गोल कर्ता जर्सी नम्वर ७ का यनी म्यान अफ दी म्याच घोषित भएका छन्।

उनलाई गोलबजार नगरपालिकाका प्रमुख प्रशासकीय अधिकृत श्रीधर केसीले नगद तीन हजार सहित सम्मान प्रदान गरे।

गोलबजार २ गुरुधाम खेल ग्राममा भईरहेको मेयर गोल्ड कपको पहिलो सेमि फाईनल खेल सोमबार बागमती युवा क्लव सर्लाही र चात्या सा स्पोर्टस क्लवबिच हुने छ। मंगलबारको खेल गुरुधाम फूटवल क्लव, सिरहा र मुनाल फूटवल क्लव विराटनगरबिच हुने आयोजकले जनाएको छ।

प्रतियोगितामा प्रथम हुने टिमले तीन लाख ५१ हरजार र दोस्रो हुने टिमले दुई लाख एक हजार नगदसहित ट्रफि प्राप्त गर्ने छन्।
प्रतियोगिताको फाईनल खेल २२ गते र एक दिन अघि २१ गते एक दिवसिय मैत्रीपूर्ण महिला पफूटवल प्रतियोगिता हुने पत्रकार सम्मेलनमा जानकारी दिएको छ।
प्रत्यक खेलमा म्यान अफ दी म्याच घोषीत खेलाडीलाई तीन हजार नगर पुरस्कार प्रदान गरिने जनाएको छ।