सिरहा, १० चैत। सिरहाको गोलबजार नगरपालिकाका नेकपा (माओवादी केन्द्र)बाट निर्वाचित निवर्तमान तथा वर्तमान जनप्रतिनिधीहरुको आयोजना शनिबार ‘होलि मिलन २०८०’ कार्याक्रम सम्पन्न भएको छ।
गोलबजारमा सम्पन्न होलि मिलन कार्यक्रममा पार्टीका स्थायिसमिति सदस्य विश्वनाथ साहले होलिको उमङ्गसँगै पार्टीभित्रका सवै असमझदारी दुरगर्दै पार्टीलाई नयाँ योजना सहित अगाडी बढाउनु पर्नेमा जोड दिए। उनले मधेशमा पार्टीभित्रकै विग्रहका कारण हार वेहोर्नु परेको बताउँदै सवैखालका असमझदारीलाई व्यवस्थापन गर्दै पार्टीलाई चुस्त दुरुस्त बनाउन आवश्यक रहेको बताए।
तराई मधेशमा होली पर्वको छुट्टै महत्व रहेको भन्दै पूर्व मन्त्रीसमेत रहेका साहले होलिले सवैमा नयाँ जोस, जागर र उमङ्ग भर्ने विश्वास व्यक्त गरे। सामाजमा रहेको मनोमालिन्यतालाई पखाल्ने र नयाँ ढङ्गले सम्वन्धहरु स्थापित गर्ने पर्वको रुपमा पनि स्थापीत यो पर्वले पार्टीपंतिमा देखिएका विमति, अविश्वास र असमझदारीलाई पनि नयाँ ढङ्गले हलगर्ने अवसरको रुपमा लिन अनुरोध गरे।
सोही क्रममा पार्टीका केन्द्रिय सदस्य जगत यादवले आफूहरु जनताको नोकर भएकाले उनीहरुको जनताले दिएको आदेश पालना गर्ने बताए। होलिले सवैमा नयाँ जोस, जागर र पार्टीलाई नयाँ दिशा दिने सोच मिलोस भन्ने कामना गरे।
शुकामना कार्यक्रममा नेता अजिरमान थापा, आदिवासी जनजाति महासंघका नेता तेजेन्द्र लामा, बुद्धिजिवी संगठनका प्रदिप कुमार साह, गोलबजार नगरपालिकाका पूर्व उपमेयर रेशम कुमारी थापालगायतले शुभकामना मन्तव्य व्यक्त गरेका थिए।
गोलबजार नगरपालिकाका पूर्व मेयर देवनाथ साहको अध्यक्षतामा सम्पन्न कार्यक्रमको सञ्चालन कार्यपालिका सदस्य उमेश बरालले गरेका थिए।
