सिरहा, २७ फागुन। गोलबजार नगरपालिका १ ‘प्रथम वडा अध्यक्ष कप’ फूटवल प्रतियोगिताको फाईल प्रवेश गरेको छ। गोलबजरा नगरपालिका १ र १० विच आईतबार भएको खेलमा १० लाई १ को विरुद्ध ३ गोलले पछि पार्दै फाईल प्रवेश गरेको हो।
वडा नम्वर १ को लागि करण अच्छामी, उज्वल मगर र मिरगेश यादवले एक–एक गोल गरेका थिए। वडा नम्वर १० को तर्फबाट भने सिद्धार्थ पाख्रिनले पेनाल्टी सुटमा गोल गरेको आयोजकले जनाएको छ। आजको म्यान अफ दि म्याच मनिस बलम्पाकी मगर घोषित भएका छन्।
भोली सोमबारको खेल वडा नम्वर २ र ६ बिच हुने छ। वडा नम्वर २ र ६ बिच भएको खेलका विजयी टीम र वडा नम्वर १ बिच ३० गते फाईनल खेल हुने आयोजकले जनाएको छ।
गोलबजार वडा २ को आयोजना र गोलबजार नरपालिका संरक्षक रहेको प्रतियोतिामा विजेताले ५१ हजार र उप–विजेताले ३१ हजार पुरस्कार र कप प्रदान गरिने छ।
