सर्लाही, १७ माघ। सर्लाहीको सीमावर्ती क्षेत्रस्थित सर्लाहीको बलरा नगरपालिकामा बुहारीको हत्या अभियोगमा सासु पक्राउ परेकी छिन्। बलरा नगरपालिका ४, जब्दी गाउँकी २१ वर्षीया पूजादेवी सहनीको हत्या अभियोगमा उनकै सासु बनारसी देवी सहनीलाई प्रहरीले नियन्त्रणमा लिएको हो।
पूजादेवी आफ्नै घरभित्र खाटमा मृत अवस्थामा फेला परेकी थिइन्। जिल्ला प्रहरी कार्यालय सर्लाहीका अनुसार मृतकको शरीरमा चोटपटक रहेको छ।
प्रहरीले मृतक पूजादेवीकी सासु बनारसी देवी सहनीलाई नियन्त्रणमा लिइ घटनाको थप अनुसन्धान थालेको जनाएको छ। घटनापछि मृतकका श्रीमान् छोटेलाल सहनी र ससुरा जयनारायण सहनी फरार छन्।
उनीहरूको खोजी भइरहेको प्रहरीले जनाएकव छ। पूजादेवी मङ्गलबार बेलुका नै मृत अवस्थामा फेला परेकी थिइन्।
