मेयर कप फुटबल प्रतियोगितामा मझौ बिजयी

राजविराज, १५ माघ। सप्तरीको शम्भुनाथ नगरपालिका ८ पोखरीयास्थित खेलमैदानमा जारी पाँचा मेयरकप २०८० फुटबल प्रतियोगिता अन्तर्गत आज सम्पन्न खेलमा नमोबुद्ध फुटबल क्लब मझौ सप्तरी विजयी भएको छ।

प्रतियोगिता अन्तर्गत आज भएको खेलमा त्रियुगा स्पार्टस क्लब फत्तेपुर सप्तरीलाई शून्यका बिरुद्ध एक गोल अन्तरले पराजित गर्दै मझौ टिम विजयी भएको हो।

प्रतियोगिता अन्तर्गत भोली मंगलवारको खेलमा बरख गण राजविराज र बैंगखारी युवा क्लब महोत्तरीबीच हुने संयासी युवा क्लवका सचिव श्रवण कुमार चौधरीले जानकारी दिए।

शम्भुनाथ नगरपालिकाको सहयोगमा संयासी युवा क्लब पोखरीयाद्वारा सञ्चालित प्रतियोगितामा सप्तरी, सिरहा, महोत्तरी, उदयपुर र मोरङ्गका गरी बिभिन्न १० क्लबको सहभागिता रहेको छ। माघ २१ गतेसम्म चल्ने प्रतियोगिताका बिजेताले नगद ५५ हजार तथा ट्रफि र उपविजेताले नगद ४५ हजार नगद रुपैयाँ प्राप्त गर्नेछ।

संयासी युवा क्लवले गत २०४३ सालदेखि फुटबल प्रतियोगिता सञ्चालन गर्दै आएको छ।