सिरहा, २४ पुस। सिरहामा मिटरब्याज पीडितमाथि खुकरी प्रहारको प्रयास गरेको आरोपमा प्रहरीले एक जनालाई पक्राउ गरेको छ।
मिटरब्याज पीडित भनिएका सञ्जयकुमार कामतीमाथि खुकुरी प्रहारको प्रयास गरेको आरोपका इलाका प्रहरी कार्यालय मिर्चैयाले कल्याणपुर नगरपालिका ८ अरङका रामनारायण सिंहलाई नियन्त्रणमा लिएको हो।
प्रहरीले पक्राउ गरेको
फोटो र भिडियोहरुमा अन्य व्यक्तिलाई खुकुरी उज्याएको देखिएपछि प्रहरीले सिंहलाई घरबाटै पक्राउ गरेको इलाका प्रहरी कार्यालय मिर्चैयाका डीएसपी जितेन्द्र वस्नेतले जानकारी दिए। उनले पीडितले अहिलेसम्म उजुरी नदिएपनि सिंहलाई नियन्त्रणमा लिएको बताए। उनले भने, ‘अहिले सम्म पीडितले उजुरी दिएको छैन, सिंहले व्यक्तिमाथि खुकुरी उज्याएको फोटो र भिडयोको आधारमा नियन्त्रणमा लिएका हौं। पीडितले उजुरी दिएपछि थप कानुनी प्रकृया अगाडी बढ्छ।’
कल्याणपुर नगरपालिका ८ मझौराका मिटरब्याजी सुरेश पञ्जियारले कब्जा गरी रामनारायण सिंहसँग बेचिसकेको घरमा सोमबार दिउँसो सञ्जय पस्न खोजेपछि उनीमाथि कुटपिटसँगै खुकुरी प्रहारको प्रयास भएको थियो।
