सिरहा, १३ साउन। सिरहा प्रहरीले सुखिपुरबाट अवैध पेस्तोल र त्यसमा लाग्ने पाँच राउण्ड गोलीसहित दुई जनालाई आज शनिवार अपरान्ह नियन्त्रणमा लिएका छन्।
प्रहरीले सुखिपुर नपा ४ गोडिअर्वाबाट सिरहाकै औरही गाउँ पालिका २ बननियाँका २४ वर्षिय कम्रउदिन राइन र १८ वर्षिय चन्दन कुमार सदायलाई होममेड सेमीअटोमेटीक पेस्तोल एक थान र त्यसमा लाग्ने पाँच राउण्ड गोलि सहित दुवैजनालाई नियन्त्रणमा लिएका हुन्।
प्रहरी चौकी सिलौरवापछुवारीबाट खटिएको प्रहरीले बीआर ३२ एएम ३७७८ नम्वरको भारतीय मोटरसाइकललाई शंकालागि चेक जाच गर्दा मोटरसाइकलको सिट मुनिबाट पेस्टोल र गोली बरामद गरेको जिल्ला प्रहरी कार्यालय सिरहाका सूचना अधिकारी रबिन्द्र राज पाण्डेले जानकारी दिए।
पक्राउ परेका दुवैजनालाई जिल्ला प्रहरी कार्यालय सिरहामा राखेर थप अनुसनधान गरिरहेको प्रहरीले जनाएको छ।
