सप्तरी, २० असार। सप्तरी प्रहरीले अफ्नै श्रीमतीको हत्या अभियोगमा एक युवकलाई नियन्त्रणमा लिएको छ। सम्भुनाथ नगरपालिका ५ मोहनपुर ३२ वर्षीया किरण कुमारी चौधरीको हत्यो अभियोगमा मंगलबार प्रहरीले उनकै श्रीमान ईनरदेव चौधरीलाई नियन्त्रणमा लिएको हो।
खाना खाई आफ्नो कोठामा सुतेकी किरण बेहोस अवस्थामा फेला परेको र तत्काल उपचारको लागि कठौनास्थित कृष्ण अस्पतालमा पुर्याइएपनि उपचारको क्रममा मृत्यु भएको सप्तरी प्रहरीले जनाएको छ।
खबर प्राप्त हुनसाथ प्रहरी चौकी कठौना र ईलाका प्रहरी कार्यालय कल्याणपुरबाट खटिएको प्रहरीले ईनरदेवलाई नियन्त्रणमा लिई सोधपुछ गर्दा उनको संलग्नता रहेको खुल्न आएको बताईएको छ।
घटनाबारे थप अनुसन्धान भईरहेको प्रहरीले जनाएको छ।
