सिरहा, १७ असार। सिरहामा एक बालिका बलात्कारको विरुद्धमा उजुरी दर्ता भएको छ। जिल्लाको कल्याणपुर नगरपालिका ४ का एक १६ वर्षीया बालिका बलात्कार गरेको आरोपमा २० वर्षीय विश्वबन्धु यादव विरुद्ध पीडित परिवारले इलाका प्रहरी कार्यालय मिर्चैयामा दिएको उजुरी दिएको हो।
आरोपितले बालिकालाई असार ६ गते बलात्कार गरेको आरोपमा इलाका प्रहरी कार्यालय मिर्चैयामा दुईदिन पछि असार ८ गते उजुरी दिएको पीडित परिवारले जनाएको छ। पीडित बालिकाको स्वास्थ्य परीक्षण प्रादेशिक अस्पताल सिरहामा असार ८ गते भएको थियो।
इलाका प्रहरी कार्यालय मिर्चैयाका डिएसपी जितेन्द्र बस्नेतले घटना बारे अनुसन्धान गरी दर्ता गरेको बताए । आरोपित फरार रहेकोले खोज तलास भइरहेको डिएसपी बस्नेतले बताए।
