उदयपुरलाई पराजित गर्दै सुनसरी सेमिफाइनलमा

राजविराज,२ माघ। सप्तरीको शम्भुनाथ नगरपालिका ८ पोखरीयास्थित खेलमैदानमा सञ्चालित चौथो मेयरकप २०७९ फुटबल प्रतियोगितामा तालतलैया फुटबल टिम सुनसरी सेमिफाइनलमा प्रबेश गरेको छ। प्रतियोगिता अन्तर्गत सोमबार सम्पन्न खेलमा ब्रोदर्स फुटबल टिम दयपुरलाई ट्राईब्रेकरमा एकका बिरुद्ध तीन गोल अन्तरले पाखा लगाउँदै सुनसरीले सेमिफाइनलको यात्रा तय गरेको हो।

पहिलो हाफको पाँचौ मिनेटमै उदयपुरका सविन खड्काले गोल गरी टिमलाई अग्रता दिलाएनि त्यसलाई जोगाउन नसक्दाँ सुनसरीका बिसु श्रेष्ठले खेलको २० औं मिनेटमा गोल फर्काउँदै टिमलाई बराबरीको अवस्थामा पुर्याएको थियो। त्यसपश्चात खेल अबधी भरी दुबै टिमबाट गोल हुन नसकेकोले खेलको निर्णय ट्राईब्रेकरबाट लिईएको थियो।

प्रतियोगिता अन्तर्गत भोली मंगलबार पहिलो सेमिफाईलमा त्रियुगा स्पोर्टस क्लब फतेपुर सप्तरी र नमो बुध्द फुटबल टिम मझौ खडक नगरपालिका सप्तरीले प्रतिष्पर्धा गर्ने संयासी युवा क्लवका सचिव श्रवण कुमार चौधरीले जानकारी दिए।
शम्भुनाथ नगरपालिकाको सहयोगमा संयासी युवा क्लब पोखरीया द्वारा सञ्चालित प्रतियोगितामा सप्तरी, सिरहा, महोत्तरी, उदयपुरका बिभिन्न १२ क्लबको सहभागिता रहेको थियो। प्रतियोगिता माघ ६ गतेसम्म चल्ने प्रतियोगिताका बिजेताले नगद ५५ हजार तथा ट्रफि र उपविजेताले नगद ४५ हजार रुपैयाँ प्राप्त गर्ने छ।

संयासी युवा क्लवले गत २०४३ सालदेखि फुटबल प्रतियोगिता सञ्चालन गर्दै आएको छ ।