राजविराज, २९ पुस। सप्तरीको शम्भुनाथ नगरपालिका ८ पोखरीयास्थित खेलमैदानमा सञ्चालित चौथो मेयरकप २०७९ फुटबल प्रतियोगितामा एपीएफ २ नम्बर बाहिनी बर्दिबास महोतरी दोश्रो चरणमा प्रबेश गरेको छ। प्रतियोगिता अन्तर्गत शुक्रबार सम्पन्न खेलमा मनिथम फुटबल क्लब उदयपुरलाई ट्राब्रेकरमा तीनका बिरुद्ध चार गोल अन्तरले पराजित गर्दै एपीएफ दोस्रो चरणमा प्रवेश गरेको हो।
निर्धारित समयमा दुबै टीमबाट गोल हुन नसकेपछि ट्राईब्रेकरबाट खेलको निर्णय लिईएको थियो।
प्रतियोगिता अन्तर्गत भोली शनिवार दोश्रो चरणको खेलमा नमो बुध्द फुटबल क्लब मझौ सप्तरी र गोलबजार स्पोर्टस क्लब गोलजार सिरहाबीच हुने संयासी युवा क्लवका सचिव श्रवण कुमार चौधरीले जानकारी दिए।
शम्भुनाथ नगरपालिकाको सहयोगमा संयासी युवा क्लब पोखरीया द्वारा सञ्चालित प्रतियोगितामा सप्तरी, सिरहा, महोत्तरी, उदयपुरका बिभिन्न १२ क्लबको सहभागिता रहेको छ । प्रतियोगिता माघ ६ गतेसम्म चल्ने प्रतियोगिताका बिजेताले नगद ५५ हजार तथा ट्रफि र उपविजेताले नगद ४५ हजार रुपैयाा नगद प्राप्त गर्नेछ।
संयासी युवा क्लवले गत २०४३ सालदेखि फुटबल प्रतियोगिता सञ्चालन गर्दै आएको छ।
