सर्लाहीमा मोटरसाइकल एक आपसमा ठोकिँदा २ जनाको मृत्यु, ३ जना घाइते

सर्लाही, ६ मंसिर। सर्लाहीमा दुईवटा मोटरसाइकल आपसमा ठोक्किँदा दुई जनाकको मृत्यु भएको छ भने अन्य तीनजना घाइते भएका छन्।

पूर्वपश्चिम राजमार्गअन्तर्गत सर्लाहीको ईश्वरपुर नगरपालिका १२ जंगलमा प्रदेश नं. २–०३–००४ प ७८८४ र ज ११ प ८१० नम्बरको मोटरसाइकल आपसमा ठोकिदा बाराको कलैया उपमहानगरपालिका १६ का ४५ वर्षीय कन्हाई चौधरी र महोत्तरीको बर्दिवास नगरपालिका ६ का २५ वर्षीय सुनिल आले मगरको मृत्यु भएको हो।

दुर्घटनामा गम्भीर घाइते भएका दुवै जनालाई मलंगवा अस्पतालमा चिकित्सकले मृत घोषणा गरेको प्रहरीले जनाएको छ। ठोक्किएर सोमबार साँझ दुर्घटना भएको थियो।

घाइतेको स्थानीय स्तरमा उपचार भइरहेको र घटना विषयमा थप अनुसन्धान भइरहेको जिल्ला प्रहरी कार्यालय सर्लाहीका सूचना अधिकारी डिएसपी विजय यादवले जानकारी दिए।