सिरहा,२३ असोज। गोलबजार स्पोर्टस क्लव गोलबजार सिरहा अखिल नेपाल फूटवल संघ (एनफा) को आयोजनामा हुन लागेको ‘सी’ डिभिजन छनोट खेलमा भाग लिन आज काठमाडौं प्रस्थान गरेको छ। मधेश प्रदेश तथा पूर्वका जिल्लाहरुका राम्रो उपस्थिति जमाएका गोलबजार स्पोर्टस क्लवका खेलाडीहरुलाई पद्मा इँटा उद्योगका सञ्चालक चन्द्र कुमार राईले सफलताकाको कामना सहित विदाई गरेको हो।
सञ्चालक राईले सवै खेलाडीहरुलाई अनुशासित र मेहत गरेर खेल्न आग्रह गर्दै लक्ष्यप्राप्तिको कामना समेत गरे। उनले मेहनत, लगन र अनुशासनले खेलाडीहरुलाई लक्ष्यसम्म पुर्याउने भन्दै यसप्रति सवै खेलाडीहरुलाई सजग गराए।
क्लवमा लामो समयदेखि फूटवल खेलिरहेका अनुभवि र सम्भावना भएका युवा खेलाडीहरु सक्रियताका साथ खेलिरहेको क्लवका अध्यक्ष रञ्जित कुमार लामाले बताए। उनले क्लवको तर्फबाट स्थानीय स्तरमा रहेका खेलाडीहरुको संरक्षण, सम्वर्धन र उनीहरुको खेलजीवनको प्रगतिको लागि हरसम्भव प्रयास गरिरहेको जनाए। अध्यक्ष लामाले ‘सी’ डिभिजन छनोट खेलमा सहभागी हुन पाउनुलाई शुनौलो अवसरको रुपमा लिएको जनाए।
क्लवलाई छनोट खेलमा जान आवश्यक पर्ने खर्च र सामाग्रिहरु पद्मा इँटा उद्योग, द क्लव अफ यूनिटी र गोलबजार नगरपालिका वार्डनम्वर २ ले आर्थिक तथा सामाग्री सहयोग गरेको छ।
