रामेछाप बस दुर्घटनामा नौं को मृत्यु, २४ जना घाइते

फोटो : अकोक दोङको फेसबुकबाट।

काठमाडौं, २१ असार। रामेछापबाट काठमाडौं आउँदै गरेको बस आज बिहान दुर्घटना हुँदा नौ जनाको मृत्यु भएको छ। दुर्घटनामा परी २४ जना घाइते भएका छन्।

रामेछापको हिलेदेवीबाट काठमाडौं आउँदै गरेको बा ३ ख ८३९६ नम्बरको बस लुभुघाट भन्ने स्थानमा दुर्घटना हुँदा ५ पुरुष र ४ महिलाको घटनास्थलमै मृत्यु भएको हो।

दुर्घटनामा परी २१ जना घाइते भएको उद्धार कार्यमा सक्रिय सुनापती गाउँपालिकाकी उपाध्यक्ष गिता विष्ट चौलागाईंले जानकारी दिइन्।

घाइतेहरुलाई उपचारको लागि काभ्रेको धुलिखेल अस्पतालमा पठाइएको छ। गम्भीर घाइते ३ जनालाई भने हेलिकोप्टरबाट काठमाडौं पठाइएको उनले जानकारी दिइन्।