सिरहा, ९ जेष्ठ। सनराइज युथ सिरहा संजालद्वारा सिरहाको गोलबजारमा आयोजित रक्तदान क्रायक्रममा ३५ जनाले रक्तदान गरेका छन्। दुर्घटना र अन्य विरामीलाई रक्त आवश्यक पर्दा नपाइने अवस्था भएकाले संजालद्वारा रक्तदान कार्यक्रम आयोजना गरेको हो । सो क्रममा ३१ पुरुस ४ जना महिला गरी ३५ जनाले रक्तदान गरेका छन्।
रेडक्रस सोसाइटी लहानसंगको समन्वयमा कार्यक्रम आयोजना गरेको सनराइज युथ सिरहा संजालका कोषा अध्यक्ष कन्चन साहले जानकारी दिइन्। उनले हावाहुरी र पानीका कारण धेरै सहभागीता हुन नसकेपनि रक्तदान कार्यक्रम उत्साहजनक रहेको बताइन्।
रक्तदान क्रायक्रममा नव निर्वाचित गोलबजार नपा ४का वडा अध्यक्ष सकलदेव यादव, सिटिजनशिप लाइफ़ इन्सयोरेन्स कम्वनी गोलबजारका म्यानेजर सशिसेखर यादब लगायत बिभिन्न संग्सथाका प्रतिनिधीहरुको उपस्थिति रहेको थियो।
