सप्तरी, १० वैशाख । हुलाकी सडक अन्तर्गत सप्तरीको राजगढ गाउँपालिका ५ मलेकपुरमा दुई वटा मोटरसाइकल आपसमा ठोकिएर दुर्घटनाहुँदा एउटै गाउँका तीन जनाको घटनास्थलमै मृत्यु भएको छ।
प्रदेश १–०२४१ प २२९६ र प्रदेश १ –०२०४१ प ९५२४ नम्बरको मोटरसाईकल दुर्घटनाहुँदा हनुमाननगर कङ्कालिनी नगरपालिका ३ का ३० वर्षीय पप्पु यादव, २६ वर्षीय सन्दीप यादव र बुच्चु भनिने २५ वर्षीय रञ्जित यादवकोको मृत्यु भएको हो।
सप्तरीकै भारदहबाट पथरगाडाका लागि जन्ती जाँदै गरेको मोटरसाइकल ओभरटेक गर्ने क्रममा आपसमा ठोक्किएर दुर्घटना भएको प्रहरी उपरीक्षक अविनारायण काफ्लेले जानकारी दिए। उनीहरुको शव पोष्टमार्टमको लागि राजविराज अस्पतालमा राखिएको छ । घनाबारे थप अनुसन्धान भईरहेको छ।
