सप्तरी, २ वैशाख। सप्तरीको बोदेबर्साइन नगरपालिकामा भएको आगलागीमा परी एक जना बालकको जलेर मृत्यु भएको छ। शुक्रबार दिउँसो नगरपालिकाको १० अमरैया टोलमा भएको आगलागीमा परी शत्रुद्यन यादवका ५ वर्षीय छोरा शैलेश यादवको मृत्यु भएको हो । आगलागीमा तीन वटा घर जलेर नष्ट भएको छ।
आगलागी बेला आफ्नै गोठमा सुतिरहेकोे यादवको जलेर मृत्यु भएको जिल्ला प्रहरी कर्यालय सप्तरीका सूचना अधिकारी डीएसपी माधवप्रसाद काफ्लेले जानकारी दिए ।
आगलागीमा शत्रुधन यादवको गोठ, रघुनन्दन यादवको घर, जागेश्वर यादवको पक्की घरको एउटा झ्याल जल्दा १७ लाख बराबरको धनमाल जलेर क्षति भएको प्रहरीको भनाइ छ ।
आगो स्थानीय बासिन्दा, नेपाल तथा सशस्त्र प्रहरीको सहयोगमा नियन्त्रणमा लिइएको छ ।
