सर्लाही, १७ चैत । सर्लाहीमा क्रेनको ठक्करबाट एक छात्राको मृत्यु भएको छ । बाग्मती नगरपालिका ७ राजघाटमा क्रेनको ठक्करबाट विद्यालय हिडेकी छात्रा १७ वर्षीया सुमित्रा परियारको घटनास्थलमै मृत्यु भएको हो ।
साइकल चढेर विद्यालय जाँदै गरेकी छात्रालाई विपरित दिशाबाट आईरहेको बिजुलीको पोल गाड्ने क्रेनले ठक्कर दिएको इलाका प्रहरी कार्यालय बरहथवाले जनाएको छ । ठक्कर दिने क्रेनलाई स्थानीयवासीले नियन्त्रणमा लिएर जलाइदिएका छन् ।
घटनापछि क्रेनका चालकसहित तीन जनालाई नियन्त्रणमा लिइएको इलाका प्रहरी कार्यालय बरहथवाले जनाएको छ ।