वीरगञ्ज, १७ चैत । भारतको नयाँ दिल्लीमा सम्पन्न एसियन सिख गेम्स २०२१ मा उत्कृष्ट प्रदर्शन गर्ने पर्सा जिल्लाका १५ खेलाडीलाई सम्मान गरिएको छ । पर्सा जिल्ला तेक्वान्दो संघले स्वर्ण तथा रजक पदका विजेता १५ खेलाडीलाई सम्मान गरेको हो ।
सिख गेम्स फेडरेसन अफ ईन्डियाले २९ डिसेम्बरदेखि ३१ डिसेम्बरसम्म भारतको नयाँ दिल्लीमा आयोजना गरेको प्रतियोगितामा वीरगञ्जका १५ जनाले स्वर्ण तथा रजक पद जितेका थिए ।
उनीहरुको प्रोत्साहनका लागि एक समारोहको विच सम्मान गरिएको पर्सा जिल्ला तेक्वान्दो संघका कोषाध्यक्ष रोशन गुप्ताले जानकारी दिए । एसियन सिख गेम्स २०२१ मा पर्सा जिल्लाबाट सहभागी भएकामध्ये ६ जनाले स्वर्ण, ४ जनाले रजत र ५ जनाले काँस्य पदक जितेको गुप्ताले बताए ।
स्वर्ण पदक जित्नेमा आफ्ताब आलम, एमडी सोहब अख्तर, जेकि यादव, प्रथम वर्णवाल, कृष्ण मण्डल र प्रदिप तिवारी रहेका छन् ।
यस्तै रजत पदक जित्नेमा इम्रान शेख, आदित्य कुश्वाह, मुस्ताफ अन्सारी र अमित कुमार रहेका छन् ।
त्यस्तै शनि पटेल, आदित्य सिँह, सोनु प्रजापति, राज गुप्ता र मुन्ना यादवले काँस्य पदक जितेका छन् ।
कार्यक्रममा संघका बरिष्ठ उपाध्यक्ष बिरेन्द्र बहादुर कुर्मी क्षेत्री, बरिष्ठ सल्लाहकारद्वय दिपक तिवारी, निशान्त लामिछाने, मन्सुर हवारी लगायतको उपस्थिती रहेको थियो ।
