प्रथम बर्दिबास मेयर गोल्डकपको उपाधी गोलबजारलाई

महोत्तरी, ३ चैत । बर्दिवास नगरपालिका नगर खेलकुद समितिको आयोजनामा आयोजित ‘प्रथम बर्दिबास मेयर गोल्डकप २०७८’ को उपाधि गोलबजार प्रतिभा क्लब गोलबजारले हात पारेको छ । सहलेश युवा क्लब सिरहा र प्रतिभा क्लव विच भएको फाईतल खेल समयावधिमा वरावरीमा टुङ्गिएपछि ट्राइवेगरमा ५–४ गोलअन्तरले गोलबजार प्रथम कपको उपाधी उचाल्न सफल भएको हो ।
निर्धारित ८० मिनेटको खेलमा १–१ गोलको बराबरी भएको थियो । खेलको पहिलो मध्यानतरको सुरुवाती दशौं मिनेटमा सहलेशका लागि रुपक लामाको गोले अग्रता लिएको थियो । तर खेलको अन्तिम समयमा गोलबजारका डिफेन्स विशाल बस्नेतले गरेको बल गोलमा परिणत भएपछि बराबरिमा टुङ्गिएको थियो ।
प्रतियोगिताको बिजेता समूहले नगद दुई लाख र उप बिजेता समूहले नगद एक लाख रुपैयाँ सहित मेडल, प्रमाणपत्र तथा ट्रफि प्राप्त गरे । बिजेता तथा उपबिजेता टिमका खेलाडीहरुलाई नगर प्रमुख बिदुर कुमार कार्कीले पुरस्कार हस्तान्तरण गरेका थिए ।
फागुन २५ गतेबाट सञ्चालन भएको प्रथम नगर गोल्डकपको फाइनल खेल चैत २ गते भएको हो ।