३ स्वर्ण, ३ रजत र १ कास्य पदक जित्दै गोलबजार डोजो टिम प्रथम

सिरहा, २९ फागुन । दमक नगरपालिका दमक खेलकुद बिकास समिति झापाको आयोजनामा चैत २७ देखि २९ गतेसम्म सञ्चालित प्रथम मेयर कप राष्ट्रिय कराते प्रतियोगिता २०७८ मा गोलबजार नगरपालिका ३ स्वर्ण, ३ रजत र १ कास्य पदक जित्दै टिम प्रथम भएका छन् ।
गोलबजारका लागि ६० केजीभन्दा माथि समूहका सरोज पासवान, महिला तर्फ प्रौसिया चौधरी ४५ केजी र सबिना मगर ५५ केजी सहित तीनजनाले स्वर्ण पदक, अनुजा राना मगर, परिना शाही ठकुरी र बब्लु राइनले रजत पदक र निश्चल पुलामी मगरले कास्य पदक जितेर टिम प्रथम बनाएको हो ।
खेलाडीहरुको कडा मेहनत र परिश्रमले आफ्नो टिम र जिल्लाको नाम उच्च बनाएको कराते प्रशिक्षक कसम लामाजे बताए । गोलबजार डोजोका सवै खेलाडी आ–आफ्नै खर्चमा दकम पुगेको बताइएको छ ।
प्रतियोगिता टिम दोस्रो धनगढी उपमहानगरपालिका ३ स्वर्ण र ४ कास्य पदक जितेका छन् भने टिम तेस्रो धरान उपमहानगरपालिकाले २ स्वर्ण र १ रजत पदक जितका थिए ।