सृजना स्कूलको इन्टर हाउस ‘७–ए साइड’ छात्र–छात्रा फूटवल टुर्नामेन्ट सम्पन्न

सिरहा, २४ फागुन । सृजना सेकेन्ड्री बोर्डिङ्ग स्कूल गोलबजार ६ को इन्टर हाउस ‘७–ए साइड’ छात्र तथा छात्रा फूटवल टुर्नामेन्ट मंगलबार सम्पन्न भएको छ । अन्तराष्ट्रिय श्रमिक महिला दिवसको अवसर पारेर आफ्नै हाताभित्रको खेलमैदानमा सम्पन्न टुुर्नामेन्टमा छात्रा तर्फको ‘ब्लु हाउस’ र छात्र तर्फ ‘ह्वाईट हाउस’ विजयी भएका छन् ।
छात्र तर्फ रेड र ह्वाईट हाउसविच भएको फाईनल खेलमा ह्वाईट हाउस सून्यको विरुद्ध एक गोल गर्दै विजयी भएको हो । फाईनल खेलमा ह्वाईट हाउसका तर्फबाट अरविन्द्र खड्कीले एक गोल गरेका थिए । सोही गोलले ह्वाईट हाउसलाई प्रथम पुरस्कार दिलाउन सफल भएको हो ।
छात्रा तर्फ ब्लु र ग्रिन हाउसविच समयवधिभर भएको खेल बरावरीमा टुङ्गिएपछि ट्राईबेकरमा ब्लुहाउस विजयी भएको हो ।
विजयी टिमलाई ट्रफि, मेडल र प्रमाणपत्र प्रदान गरिएको स्कूलका शिक्षक कञ्चन थापा मगरले जानकारी दिए । महिला दिवसको अवसर पारेर आयोजना गरिएको प्रतियोगिताका सवै पुरस्कार तथा ट्रफिहरु विद्यालयका शिक्षिकाहरुले प्रदान गरेको जनाए ।
प्रतियोगिताको उतकृष्ट छात्रा खेलाडी अमिशा श्रेष्ठ र छात्र तर्फ अरविन्द्र खड्की घोषित भएका छन् ।
प्रतियोगितामा छात्र तथा छात्रा दुवैबाट ह्वाईट, ग्रिन, रेड, ब्लु, एलो हाउस गरी पाँच–पाँच टिम सहभागी रहेका थिए ।