बर्दिवास, २४ फागुन । महोत्तरीको बर्दिवास–जलेश्वर सहायक सडक अन्तर्गत औरही नगरपालिका–४ कठुधारमा सोमबार बेलुकी टाटासुमोको ठक्करबाट मोटरसाइकलमा सवार दुई जनाको मृत्यु भएको छ । प्रदेश २–०२–००१ च ०८४१ नम्बरको टाटा सुमोले अनटेष्ट लेखिएको मोटरसाइकललाई ठक्कर दिंदा मोटरसाइकलमा सवार गौशाला नगरपालिका २ का २२ वर्षीय संजित मण्डल र पछाडी सवार सम्सी गाउँपालिका १ पर्साका १२ वर्षीय धिरज मण्डलको मृत्यु भएको हो।
टाटा सुमोको ठककरबाट गम्भीर घाइते भएका उनीहरुको उपचारका क्रममा जलेशवर स्थित जिल्ला अस्पतालमा मृत्यु भएको प्रहरीले जानकारी दिएको छ ।
दुर्घटनामा संलग्न सवारी साधन सहित चालकलाई ईलाका प्रहरी कार्यालय गाौशालाले नियन्त्रणमा लिएको छ । शव पोष्ष्टमार्टमको लागि जिल्ला अस्पतालमा राखिएको छ ।
